ကုသိုလ် ၊ အကုသိုလ် ဆိုတာ ....

ကုသိုလ် ဆိုတာ ... လောဘ၊ဒေါသ၊မောဟ မပါတဲ့ ကာယကံ၊၀ဇီကံ၊မနောကံ အလုပ်ကိုခေါ်တာ။

အကုသိုလ် ဆိုတာ ... လောဘ၊ဒေါသ၊မောဟ ပါတဲ့ ကာယကံ၊၀ဇီကံ၊မနောကံ အလုပ်ကိုခေါ်တာ။

မေတ္တာသုတ်

ဖြစ်ပေါ်လာပုံအကျဉ်း

ရဟန်းငါးရာတို့ မြတ်စွာဘုရားထံမှာ ကမ္မဋ္ဌာန်းယူပြီး တောအုပ်ကြီးအတွင်း တစ်ပါးကျောင်းတို့ဖြင့် တရား အားထုတ်ကြတယ်။ ရဟန်းတို့ရဲ့ သီလကြောင့်ရုက္ခစိုးနတ်တို့လည်း သစ်ပင်တို့အပေါ် ( ရဟန်းများထက် မြင့်သော နေရာ) တွင်မနေနိုင်ကြတော့ပေ။ တစ်ဆယ့်ငါးရက်မျှကြာသေအခါ ရဟန်းတော်များ ဝါဆိုမယ်ဆိုတာ ကို သိကြသောကြောင့် ကြောက်လန့်ထွက်ပြေးအောင် အမျိုးမျိုးခြောက်လှန့်ပါတော့တယ်။ ရဟန်းတော်များလည်း စိတ်တည်ကြည်မှု( သမာဓိ ) မရသောကြောင့် တရားကို ကောင်းစွာ အားမထုတ်နိုင်ကြသောကြောင့် မြတ်စွာဘုရား ထံ လမ်းညွှန်မှုသွားယူရပါတယ်။ ရဟန်းများအတွက် ထိုတောအုပ်တွင်တရားရမည်ကို သိတော်မူ၍ မေတ္တာသုတ် ဟောကြားတော်မူခဲ့ပါတယ်။

အဓိပ္ပါယ်မှတ်စု

သုတ္တံ အပိုဒ် ၁၊၂ တွင် သုတ္တံ အမွှန်း နှင့် အကျိုးကို ဖော်ပြပေးထားပါတယ်။

အပိုဒ် ၃၊၄နှင့်၅ တို့တွင် ကျင့်ကြံအားထုတ်သူ အတွက် လိုအပ်တဲ့အချက်တွေကို ထည့်ဟောထားပါတယ်။ ကိုယ် နှုတ် နှစ်ပါး အလွန်အလွန်ရိုးသားဖြောင့်မတ်ရမည်။ စိတ်သဘောထားကောင်းစွာဖြောင့်မတ်ရမည်။ ကိုယ်နှင့်အသက်ကို မငဲ့ညာဘဲ သူတော်ကောင်းတရားကို ပြုလုပ်အားထုတ်စွမ်းနိုင်ရမည်။ ဆိုဆုံးမလွယ်သူ ၊ နူးညံ့သိမ်မွေ့သူ၊ သူတစ်ပါးအပေါ် မော်ကြွားထောင်လွှားသော မာန်မာနမရှိသူ ဖြစ်အောင်နေရမည်။

ရောင့်ရဲလွယ်သူ ၊ အမှုကိစ္စနည်းသူ ၊ ပေါ့ပါးသော အသက်မွေးခြင်းရှိသူ၊ ငြိမ်သက်သော အမှုယာရှိသူ ၊ ခွဲခြမ်း စိတ်ဖြာ နိုင်သော ရဲရင့်သော ဥာဏ်ပညာရှိသူ ၊ ရုန့်ရင်းကြမ်းတမ်းမှုမရှိသူ ၊ မက်မောတွယ်တာခြင်းမရှိသူ ဖြစ်အောင် နေထိုင်စေပါတယ်။

အပိုဒ် ၃၊၄ ကို ချုပ်လိုက်ရင်တော့ အပိုဒ် ၅ အစပိုင်း ( ဒိဋ္ဌာ ဝါ ယေဝ အဒိဋ္ဌာ ယေဝ ဒူရေ ဝသန္တိ အဝိဒူရေ ) တွင် ပညာရှိတို့ ကဲ့ရဲ့ ရှုတ်ချအပ်သော တစ်စုံတစ်ခုသော မကောင်းမှုကို အနည်းငယ်မျှတောင် မပြု လုပ် အပ်ပါ ဘူးလို့ ဟောကြားထားပါတယ်။

အပိုဒ် ၅ ( ဘူတာဝ သမ္ဘ ဝေသီ ဝ ) ဆိုတဲ့ နေရာကနေ အပိုဒ် ၈ အဆုံးအထိက မေတ္တာပို့ ထားပါတယ်။ လုံးစုံများစွာသတ္တဝါ ၊ ကြောက်တတ် မကြောက်တတ် ၊ ရှည် တို အလတ် ၊ လူအချင်းချင်း လည့်ပတ်ခြင်း စသည်ဖြင့် မေတ္တာပို့ပေးခြင်းကို အပိုဒ် ၈ အထိ ဟောကြားပေးထားပါတယ်။

မေတ္တာပို့ရတွင် ပွားများသူရဲ့  စိတ်ထားကအလွန် အရေးကြီးကြောင်းကို အပိုဒ် ၉ တွင် ဥပမာပေးပြီး ဟောထားပါတယ်။ မာတာယထာ နိယံပုတ္တ မာယုသာ ဧက ပုတ္တ မနုရက္ခေ သားတစ်ယောက်တည်းမွေးထားတဲ့ မိခင်က သူ့ရင်သွေးကို အဖန်တလဲလဲ အတိုင်းအစ မရှိတဲ့ မေတ္တာနဲ့စောင့်ရှောက်သလိုမျိုးပါ။ ကိလေသာ မာန မပါရှိ ၊ ရင်မှဖြစ်တဲ့ ဖြူစင်တဲ့ စိတ်က ဖြစ်လာတဲ့ မေတ္တာပါ။

အပိုဒ် ၁၀ ၊ ၁၁ နှင့် ၁၂ တို့တွင် မေတ္တာ ကမ္မဋ္ဌာန်း ပွားနေသူ အတွက် ထားမယ့် စိတ်အနေထား၊ အမူအယာကို အသေး စိပ် ထပ်ကြည့်နိုင်ပါတယ်။

လောက ၃ ပါး ရှိ သတ္တဝါများအပေါ်တွင်လည်း အပိုင်းခြားမရှိ အတိုင်းအသိ တဲ့ ချစ်ခင်မြတ်နိုးမှု မေတ္တာပွား စေရမှာဖြစ်ပါတယ်။

လျောင်း ၊ ထိုင် ၊ ရပ် ၊ သွား ဆိုတဲ့ အချိန်တွေမှာ အိပ်ငိုက်မှုမရှိတဲ့ ကာလအတွင်းမှာ မေတ္တာနဲ့ယှဉ်သော စိတ်ကို ထားနေခြင်း ဟာ မြတ်သောနေထိုင်ခြင်း ( ဗြဟ္မာ ဝိဟာရ )လို့ ဟောကြားထားပါတယ်။

လွှဲမှားသော အယူတို့မှ ကင်းပြီး သီလ တရားဖြင့် နေထိုင်ခြင်းဖြစ်လို့ ဥာဏ်အမြင်မှန်ကို ရစေနိုင်ပါတယ်..


နိဂုံး
မေတ္တာသုတ် ပါဠိတော်နှင့် ယှဉ်တွဲ ဖတ်ရှုလေ့လာ လျှင် အဆင်ပိုပြေပါလိမ့်မယ်။ မှတ်စု သဘောမျိုးရေး ထားခြင်းကြောင့် အကျယ်ရေးထားသော စာအုပ်များကို ဖတ်ရတွင်လည်းကောင်း ၊ သုတ်တော်ကို ရွတ်ဖတ် ပူဇော် ရတွင် အာရုံပြု နှလုံးသွင်းမှုတွင် လည်းကောင်း အကျိုးများနိုင်ပါစေ။

မှတ်စရာ၊ဆင်ခြင်စရာ

ဌိတိသုခါ ၀ိပရိဏာမာ ဒုက္ခာ။

တည်နေစဉ် ချမ်းသာတယ် ၊ ရွေ့ သွားရင် ဆင်းရဲမယ်။

မဂ်တု ဆယ်ပါး

တရားအားထုတ်သော ယောဂီတို့မှာ ဥာဏ် ကြည်လင်လာသောအခါ သဒ္ဓမ္မပ္ပတရူက လို့ခေါ်တဲ့ တရားအတုတွေ (မဂ်အတုတွေ) ၀င်လာတတ်ကြသည်။ မဂ်အတုများကား ၁၀ ပါး ရှိ၏။
၁။ သြဘာသ = အလင်းရောင်
၂။ ဉာ ဏ = ဉာဏ်ထက်မြက်ခြင်း
၃။ ပီတိ = ၀မ်းသာမှု လွန်ကဲခြင်း
၎။ ပဿဒ္ဓိ = ကိုယ် စိတ် ငြိမ်းအေးနေခြင်း
၅။ သုခ = တစ်ကိုယ်လုံး ချမ်းသာမှု စိမ့်နေခြင်း
၆။ အဓိမောက္ခ = လွန်ကဲသော ယုံကြည်မှု သဒ္ဓါ ဖြစ်ခြင်း
၇။ ပဂ္ဂဟ = လုံ့လ ၀ီရိယ ဇွဲထက်သန်နေခြင်း
၈။ ဥပဋ္ဌာန = စွဲမြဲသော သတိကောင်းနေခြင်း
၉။ ဥပေက္ခာ = ၀ိပဿ နုပေက္ခာ နှင့် အာဝဇ္ဇနုပေက္ခာ တို့ ဖြစ်ခြင်း
၁၀။ နိကန္တိ = ရှေ့ ပိုင်း ကိုးမျိုးကို နှစ်သက်တွယ်တာခြင်း

ဝိပဿနာအားထုတ်၍ ယောဂီ၏ ဉာဏ် ကြည်လင်သောအခါ အဖြစ်အပျက်တွေကို မြင်လာနိုင်၏။ ထိုအခါ ဆိုခဲ့ပြီးသော မဂ်တု တစ်မျိုးသော် လည်းကောင်း၊ နှစ်မျိုးသော် လည်းကောင်း ဖြစ်ပေါ်လာတတ်၏။
ဝိပဿနာ မကျွမ်းကျင်သူတို့က ' ဒါ မဂ်ပဲ ' ဟု ဆိုတတ်ကြ၏။ 'တော်ပြီ' ဆိုပြီး ရှေ့ ဆက် အားမထုတ်တော့။ ဤသို့ကြောင့် တရားမတိုးတက်ဘဲ ဖြစ်နေတတ်ပါသည်။

(ဆန်းလွင် စီစဉ်တင်ဆက်သော ၀ိပဿနာရှုနည်း လက်စွဲကျမ်း - မှ)

သရဏဂုံ အဓိပ္ပါယ်

ဗုဒ္ဓံ သရဏံ ဂစ္ဆာမိ။

ဗုဒ္ဓံ - သစ္စာလေးပါး မြတ်တရားကို ၊ ပိုင်းခြားထင်ထင် ၊ ကိုယ်တိုင်မြင်၍ ၊ မြင်စေဟောကြား ၊ မြတ်စွာဘုရားကို၊

သရဏံ - ဘေးရန်ပယ်ဖျောက် ၊ ချမ်းသာရောက်အောင် ၊ စောင့်ရှောက်တော်မူတတ်သဖြင့် အမြတ်ဆုံး ကိုးကွယ်ရာ ဟူ၍၊

ဂစ္ဆာမိ - ယုံကြည်သိမှတ် ၊ ဆည်းကပ်ကိုးကွယ်ပါ၏ အရှင်ဘုရား။

ဓမ္မံ သရဏံ ဂစ္ဆာမိ။

ဓမ္မံ - မဂ်လေးတန်၊ ဖိုလ်လေးတန်၊ နိဗ္ဗာန်ပရိယတ်၊ ဆယ်ဖြာသော တရားတော်မြတ်ကို၊

သရဏံ - ဘေးရန်ပယ်ဖျောက် ၊ ချမ်းသာရောက်အောင် ၊ စောင့်ရှောက်တော်မူတတ်သဖြင့် အမြတ်ဆုံး ကိုးကွယ်ရာ ဟူ၍၊

ဂစ္ဆာမိ - ယုံကြည်သိမှတ် ၊ ဆည်းကပ်ကိုးကွယ်ပါ၏ အရှင်ဘုရား။

သံဃံ သရဏံ ဂစ္ဆာမိ။

သံဃံ - သမုတိသံဃာ၊ အရိယာသံဃာ နှစ်ဖြာသော သံဃာတော်မြတ်အပေါင်းကို၊

သရဏံ - ဘေးရန်ပယ်ဖျောက် ၊ ချမ်းသာရောက်အောင် ၊ စောင့်ရှောက်တော်မူတတ်သဖြင့် အမြတ်ဆုံး ကိုးကွယ်ရာ ဟူ၍၊

ဂစ္ဆာမိ - ယုံကြည်သိမှတ် ၊ ဆည်းကပ်ကိုးကွယ်ပါ၏ အရှင်ဘုရား။

(ဒေါက်တာမင်းတင်မွန် ၏ မြတ်သရဏဂုံ မှ)

ဗျာပါဒ နှင့် အဗျာပါဒ ၀ိတက်

ဗျာပါဒ ဆိုသည်မှာ သူတပါးကို ပျက်စီး စေလို ၊ သေစေလိုသော ဒေါသဖြစ်ပါသည်။ ထို ဒေါသနှင့် ယှဉ်သော အကြံကို "ဗျာပါဒ ၀ိတက်" ဟုခေါ်ပါသည်။

အဗျာပါဒ သည် ဒေါသနှင့် ဆန့်ကျင်ဘက်ဖြစ်သော မေတ္တာဖြစ်ပါသည်။ ထိုမေတ္တာနှင့် ယှဉ်သော အကြံ ( သတ္တ၀ါ အများကို ချမ်းသာစေလို ၊ ချမ်းသာအောင် ပြုလုပ်လိုသော အကြံ) များကို အဗျာပါဒ ၀ိတက် ဟုခေါ်ပါသည်။

ဝိဇ္ဖာ သုံးပါး (ဥာဏ်သုံးပါး)

၁။ ပုဗ္ဗေနိဝါသာ နုဿတိ ဥာဏ်
ရှေးရှေးဘ၀တို့ ၌ ကြုံတွေ့ ခဲ့သမျှကို ပြန်၍ အောက်မေ့နိုင်သော ဥာဏ်

၂။ ဒိဗ္ဗ စက္ခု ဥာဏ်
နတ်မျက်စိကဲ့သို့ ဝေးကွာသော အဆင်း ၊ သေးငယ်သော အဆင်းကို မြင်နိုင်သော ဥာဏ်

၃။ အာသ၀က္ခယ ဥာဏ်
ကိလေသာ အာသဝေါ တို့ ကို ကုန်စေနိုင်သော အရဟတ္တ မဂ် ဥာဏ်

ဒိဋ္ဌိမပြုတ်ရခြင်းအကြောင်း

ပြင်ပ ၀တ္ထု ၊ ပြင်ပ ပုဂ္ဂိုလ် တစ်ခုခုကို အားကိုးနေသမျှ
အဲဒီ အရာကသာ စိတ်ချမ်းသာမှု ၊ ကောင်းရာဂတိ ပေးနိုင်တယ်လို့
ယုံကြည်နေသမျှ မိစ္ဆာဒိဋ္ဌိ မပြုတ်။ ။

အရှင်ဆေကိန္ဒ
(မဟာသတိပဋ္ဌာန်)

အ၀ိဇ္ဇာ

သိသင့်တာကို မသိရင် ... " အ၀ိဇ္ဇာ "
မသိသင့်တာကို သိရင် ... " အ၀ိဇ္ဇာ "

ဓမ္မစေတီဆရာတော် ဘဒ္ဒန္တကောသလ္လ

ဘ၀များစွာ သံသရာ

ဘ၀များစွာ သံသရာမှာ
လူနတ်ခါခါ ဗြဟ္မာမယွင်း
တက်ဆင်းဖူးခဲ့ပြီ။

လေးဘုံပါယ်ရွာ ခေါက်ပြန်လာလည်း
တဏှာရှင်းရှင်း မကင်းလေတော့
ဘ၀တွေခင်သည်။

မြင်မှန်မရ သံသယမရှင်း
ဓလေ့စွဲတွေ မယွင်းလေတော့
လည်နေဦးမပေါ့ (ဒီ) သံသရာ။

ကျင်လည်စဉ်ကာလ
ဘ၀ကိုယ်စီမှာ
ဒုက္ခတွေဟာ ရာထောင်မက
ဆိုနေကြလည်း ...
အနိစ္စ မမြင် အနတ္တ မထင်သရွေ့
နှင်ဟေ့ ဒီခရီး ဘယ်နေ့ ပြီးမလဲ ...

အမှားယူစွဲ တလွဲကိုးကွယ်
"ငါ" စွယ် မကျိုး မာနခိုးတွေနဲ့
တွေဝေနေခဲ့ အနန္တ အသင်္ချေ
မိုက်နေသမျှ ...
မဆုံးနိုင်ကြ ဘ၀ အထွေထွေ
ရနေဦးမည်မလွဲ..
ကဲ...
ဘယ်လို (ဘယ်နေ့) လွတ်အောင်ရုံးကြမလဲ .... ??? ။ ။

မောင်ဧည့်သည်

မေတ္တာ နှင့် သစ္စာ

* မိတ်ဆွေရဲ့ နှလုံးသားမှ
ပေါက်ဖွားလာတဲ့ စိတ်ဓါတ်မျိုးကို " မေတ္တာ " ။

* ပကတိ သရုပ်ကို ၊ မဖုံးမအုပ်ဘဲ၊
အရှိအတိုင်း ဖော်ထုတ်ပြောတာ .. " သစ္စာ " ။

(အရှင် နန္ဒမာလာဘိဝံသ)

ဥပါဒါနက္ခန္ဓာငါးပါး နှင့် ဝိပဿနာ

သတ္တဝါတို့ရဲ့ စွဲလမ်းမှု( ဥပါဒါန် ) တရားက ခန္ဓာ ငါးပါး အပေါ်မှာ တဏှာ၊ဒိဋ္ဌိ တို့ရဲ့ ခြယ်လှယ်မှုကြောင့် အဝိဇ္ဇာ တရားတွေ နဲ့ သံသရာစက်ကို လည်စေခဲ့ပါတယ်။

ခန္ဓာငါးပါး ( ရုပ်၊နာမ် နှစ်ပါး ) တရားတွေအပေါ်မှာ ဖြစ်ပေါ်နေတဲ့ စွဲလမ်းမှုကို အမှီပြု၍ ဥပါဒါနက္ခန္ဓာငါးပါးမှာ ဖြစ်ပေါ်နေတဲ့ အကြောင်းအရာတိုင်းဟာ ဝိပဿနာ ရှုရမဲ့ တရားတွေပါ..

ရုပ်၊နာမ် တရားအပေါင်းတို့အပေါ်မှာ တဏှာက သာယာမှုဖြင့်လည်းကောင်း၊ ဒိဋ္ဌိက အထင်အမြင်မှားဖြင့်လည်းကောင်း စွဲလမ်းမှု ( ဥပါဒါန် ) ဖြစ်စေပါတယ်။ အဲဒါကြောင့်လည်း ဥပါဒါနက္ခန္ဓာ ဟာ သတ္တဝါတွေအပေါ်မှာအစဉ်မပြတ် တွေ့နေရမဲ့ တရားအစုတွေပါ။

ခန္ဓာငါးပါးနဲ့ ဥပါဒါန်၊တဏှာ၊ဒိဋ္ဌိ အလုပ်လုပ်ပုံလေးကို ဒီနေရာမှာ အကြမ်းဖျင်းပြောကြည့်ရအောင်။ ရုပ်တရားတစ်ခုကိုမြင်တယ်ဆိုကြပါဆို့။ ( ဓါတ် သဘောတွေကို နောက်ပိုင်း အချိန်ရတဲ့အခါ ထပ်ဆွေးနွေးပါမယ် )။ မြင် စတွင် မြင်သိရုံမျှစိတ် ဝိညာဏက္ခန္ဓာ နာမ်ခန္ဓာ တစ်ခုစပေါ်ပါပြီ၊ မြင်လို့ကောင်းတာ မကောင်းတာကိုလိုက်ပြီးဆုံးဖြတ်ပြီးရင် ခံစားတဲ့ ဝေဒနာက္ခန္ဓာ ပေါ်လာတယ်၊ အဲဒီ အာရုံကလေးကိုလည်း မှတ်သားလိုက်ပြန်တော့ သညာက္ခန္ဓာ ၊ ကာလလေးတစ်ခုအတွင်းမှာ မြင်အောင်လို့စူးစိုက်၊အားထုတ်ပြီး နှလုံးသွင်းထားရတာမို့ နောက်ဆုံးမှာ သင်္ခါရက္ခန္ဓာ ပေါ်ပါတယ်။

မြင်ခိုက်မှာ မရှုလိုက်မိတဲ့အခါမှာ ထိုရုပ်တရားဟာအရင်ကလည်းရှိနေတယ် အခုလည်းရှိ နေတယ်ဆိုတဲ့ ခိုင်မြဲတဲ့ အယူရှိသွားတယ်။ မြင်ရမှု၊ခံစားရမူ၊မှတ်သားရမှု၊အားထုတ်ရမှုအပေါ်မှာ လည်း ငါလုပ်နေတယ်လို့မှတ်သားတယ်။

ထိုအတူ ကြား၊နံ၊စား၊တွေ့ထိ၊ကြံသိ ချင်းတွေအပေါ်မှာလည်း တဏှာ၊ဒိဋ္ဌိ တွေဖြစ်စေပါတယ်။

အမှန်အတိုင်း သိမှတ်နေ ရှုမှတ်နေ မှသာလျှင် ဝိပဿနာဥာဏ်ဖြစ်မှာပါ။ စွဲလမ်းနိုင်ရာ၊ငါးခန္ဓာ မှန်စွာရှု၍ ဝိပဿနာဥာဏ် တွေတိုးပွားနိုင်ကြပါစေ။

ဝေါဟာရ

စွဲလမ်းနိုင်တဲ့ ခန္ဓာငါးပါး ( ရုပ်၊ဝေဒနာ၊သညာ၊သင်္ခါရ၊ဝိညာဏ် )၊

သံသရာ နယ်ကိုချဲ့စေတဲ့ တရားတွေက အဝိဇ္ဇာ နှင့် တဏှာ

ဥပါဒါန် ( စွဲလမ်းမှု )..

တဏှာ ( တပ်မက်လိုချင်မှု )..

ဒိဋ္ဌိ ( လွဲမှားစွာ ယူဆမှု ).



အညွှန်း

ဝိပဿနာ အခြေခံတရားတော်
မဟာစည် ဆရာတော် ဘုရားကြီး

အဘိဇ္ဈာ ၊ ဗျာပါဒ နှင့် မိစ္ဆာဒိဋ္ဌိ

အတွေးနဲ့ ပတ်သက်လာရင် အတွေးသုံးမျိုးကို မတွေးနဲ့တဲ့ ၊ တွေးလို့ရှိရင် လူဖြစ်ကျိုး မနပ် ဖြစ်လိမ့်မယ်။

- မကောင်းတဲ့ အတွေးဟာ ဘာလဲ ဆိုရင် သူများပစ္စည်း ကိုယ့်ပစ္စည်း ဖြစ်ချင်တဲ့ အတွေး ၊ ဒါကို အဘိဇ္ဈာ လို့ခေါ်တယ်။ အဘိ ဆိုတာ သူများပစ္စည်းကို ဦးတည်ပြီး ၊ ဇ္ဈာ ရချင်တဲ့ စိတ်နဲ့ စိတ်ကူးတယ် လို့ ဆိုလိုတာ။
သူများပစ္စည်းကို ကိုယ်ပိုင်ဆိုင်ချင်တဲ့ အတွေးဟာ ဘာကို ဖြစ်စေတတ်တဲ့ အတွေးလဲ၊ သူခိုး ဓားပြ ဖြစ်စေတဲ့ အတွေး မဖြစ်ဘူးလား၊ အေး ... အဲဒီ အတွေးဟာ အန္တရာယ် ရှိတဲ့အတွေး ၊ အကုသိုလ် အတွေး ၊ မနောဒုစရိုက် လို့ ခေါ်တယ်၊ သူများ ပစ္စည်းကို ကိုယ့် ပစ္စည်း ဖြစ်လိုမှု ဆိုတဲ့ အတွေး တွေးမိလို့ ရှိရင် ဒီ အတွေးဟာ မှားတယ်။ ဒီ အတွေးမျိုး မတွေးသင့်ဘူး။ ဒီ အတွေးကို ရှောင်ရမယ်။

- နောက် ဗျာပါဒ ၊ ဘာလဲဆိုရင် ကိုယ်နဲ့ မတည့်တဲ့ လူတစ်ယောက် စိတ်ထဲပေါ်လာရင် "ဟာ ဒီကောင် သေသွားရင် ကောင်းမှာပဲ ၊ ဒီကောင် စီးပွားတွေပျက်သွားရင် ကောင်းမှာပဲ။ ဒီကောင် ဒုက္ခရောက် ထောင်ကျသွားရင် ကောင်းမှာပဲ " ဆိုတဲ့ အတွေး ၊ ဒီ အတွေးမျိုး တစ်ချို့ မတွေးကြဘူးလား ။ အဲဒီ အတွေးကို ဗျာပါဒ အတွေးလို့ ခေါ်တယ်။ အဲဒီ အတွေးမျိုး ကို ရှောင်ရှားဖို့ လိုတယ်။ လူဖြစ်ကျိုး နပ်ဖို့ ရန် အတွက် အဲဒီ အတွေးမျိုး မတွေးမိစေနဲ့။

- နောက် တစ်ခုက "မိစ္ဆာဒိဋ္ဌိ" ၊ မိစ္ဆာဒိဋ္ဌိ ဆိုတာ ကိုယ်လုပ်တာ ကိုယ်နဲ့ ဆိုင်တယ် လို့ မတွေးဘူး။ ကောင်းတာလုပ်လဲ ကောင်းတာ မဖြစ်ပါဘူး။ မကောင်းတာ လုပ်လဲ ကောင်းတာဖြစ်တာပဲ၊ မကောင်းတဲ့ လူတွေ ကြီးပွားနေတာ ရှိတာပဲ၊ ကောင်းတဲ့ လူတွေ ဒုက္ခရောက်နေကြတယ် .. စသည်ဖြင့် ကံကို မျက်စိလည်နေတတ်ကြတယ်။
တကယ်တော့ မကောင်းတာလုပ်ပြီး ကြီးပွားနေတာတွေဟာ တစ်ချိန်တုန်းက ကောင်းတာ လုပ်ခဲ့လို့ ကောင်းကျိုးကို ခံစားနေရတယ်လို့ ဒီလို တွက်ရမယ်။ ဟုတ်တယ် မို့လား၊ ကိုယ်က ခုမှ ကောင်းတာတွေလုပ်တာ ၊ အကျိုး မပေးသေးဘူး။ အခုမှ သရက်ပင်စိုက်တာ၊ သရက်သီး စားရပါ့မလား။ မစားရပါဘူး။ ကောင်းတာ အခုမှ လုပ်တာ၊ မကောင်းတာတွေ ကြုံနေရတယ်။ အတိတ်က မကောင်းတာတွေ ဘယ်လောက် လုပ်ခဲ့မှန်းမှ မသိတာ။
မှန်ကန်တဲ့ အတွေးမှာ ကံဆိုတာ ရှိတယ်။ ကံကို ငြင်းပယ်တာ အကိရိယ ဒိဋ္ဌိ လို့ ခေါ်တယ်။ ကုသိုလ်ဆိုတာ မရှိပါဘူး ၊ အကုသိုလ် ဆိုတာ မရှိပါဘူးဆိုတဲ့ ငြင်းပယ်တဲ့ ၀ါဒကို အကိရိယ ၀ါဒ လို့ ခေါ်တယ်။ အကိရိယ ဒိဋ္ဌိ ဆိုတာ ကံကို လုံးဝ မယုံဘူးလေ။ နောက် နတ္ထိကဒိဋ္ဌိ ဆိုတာ ကံရဲ့ အကျိုးတရားကို လက်မခံဘူး၊ မကောင်းတာ လုပ်လဲ မကောင်းကျိုး မဖြစ်ဘူး ကောင်းတာလုပ်လဲ ကောင်းကျိုး မဖြစ်ဘူး လို့ အကျိုးတရားကို ငြင်းပယ်တဲ့ ၀ါဒ။ နောက်တစ်ခုက အဟေတုကဒိဋ္ဌိ ၊ အကြောင်း တရားကို ငြင်းပယ်တာ၊ ပေါင်းလိုက်လို့ ရှိရင် ကံ နှင့် ကံ၏ အကျိုးကို ငြင်းပယ်တဲ့ ပုဂ္ဂိုလ် ဟာ မိစ္ဆာ ဒိဋ္ဌိ အမြင်ရှိသူသာ ဖြစ်တယ်။
အဲဒီလို မိစ္ဆာဒိဋ္ဌိ အယူဝါဒ ရှိတဲ့ ပုဂ္ဂိုလ်တစ်ယောက်ဟာ ကောင်းရာ သုဂတိတောင် မရောက်နိုင်ဘူးတဲ့၊ သူသွားရမယ့် လမ်းကတော့ အပါယ် (၄) ဘုံပဲ။ ဘာလို့ တုန်းဆိုတော့ သူက ကံကို ငြင်းပယ်ထားတော့ သူလုပ်ချင်တာ လုပ်တော့မှာလေ။ လုပ်ချင်ရာလုပ်တယ်ဆိုတဲ့ နေရာမှာ လူတွေက ဘာလုပ်ချင်သလဲ ဆိုရင် မကောင်းတာဘဲ လုပ်ချင်ကြတာ များတယ်လေ။ အဲဒီ တော့ သူလုပ်ချင်တာလုပ်တော့မယ်။

လူဆိုတာ အထိန်းအကွပ်နဲ့နေရတယ်။ အထိန်းအကွပ် မရှိဘဲ လုပ်ချင်တာလုပ်ဆိုရင် မကောင်းတာပဲ လုပ်ကြတော့မယ်။ ကောင်းတာဆိုတာ ရေဆန် လှော်ခတ်ရတာနဲ့ တူတယ်။ အထက်ဆန်တက်ရတာ။ ရေဆန်ဆိုတာ သွားလို့ ခက်တဲ့ နေရာတစ်ခုပေါ့နော်။ မကောင်းတာ လုပ်တယ်ဆိုတာ ရေစုန်နဲ့ တူတယ်။ လွယ်တယ် ၊ မျှောချရုံပဲ။

အေး ... ဒါကြောင့်မို့ အတွေးနဲ့ ပတ်သက်လာလို့ရှိရင် ခုနက ပြောတဲ့ အတွေးတွေ မတွေးနဲ့တဲ့၊ တွေးမိပြီဆိုရင် မကောင်းတဲ့ စိတ်ဓါတ်တွေ ကိုယ့် သန္တာန်မှာ ကိန်းဝပ်သွားတယ်။ ကိန်းဝပ်သွားလို့ ရှိရင် အကြောင်းရှိက ပေါ်လာလိမ့်မယ်။ အကြောင်းရှိက ပေါ်တယ်ဆိုတာနဲ့ ပတ်သက်ပြီး ကိုယ့်ကိုယ်ကို တွေးကြည့်ပါ။

အရှင် နန္ဒမာလာဘိဝံသ

ဝိပဿနာဆိုတာ

ဝိပဿနာဆိုတာ ခန္ဓာမှာ
ပညာရှေ့ သွားရှုရမည်။
ပညာရှေ့ သွားရှုသူအား
နှစ်ပါး ရုပ်နာမ် တွေ့ရမည်။
ရုပ်နာမ် မှန်စွာ မြင်တွေ့လာ
ဥာဏ်ဟာတက်လာသည်။
ရုပ်နာမ်ခြင်းရာသိဖို့ရာ
ဆက်ကာကြိုးစားရှုရမည်။
အခိုင်းသမားနာမ်တရား
လုပ်သား ရုပ်ဖြစ်သည်။
ရုပ်နာမ်နှစ်ဖြာ ခိုင်းလုပ်တာ
ဆက်ကာရှုရမည်။
ခိုင်းသားနာမ်လည်း ခိုင်းရင်းပဲ
မမြဲပျက်ရသည်။
လုပ်သားရုပ်လည်း လုပ်ရင်းပဲ
မမြဲပျက်ရသည်။
ရုပ်နာမ်ခြင်းရာ မြင်တွေ့လာ
ဥာဏ်မှာ ငြီးငွေ့ ရပေမည်။
ငြီးငွေ့ ပျင်းလာ တပ်မက်တာ
ကင်းကာ နိဗ္ဗာန် ရပေမည်။ ။
(ဓမ္မဒူတ ဆရာတော်ကြီး ဟောကြားသော လမ်းညွှန်တရားဆောင်ပုဒ်များ - မှ)

မျက်ဖြေသံဝေဂ လင်္ကာ

သူတည်းတစ်ယောက် ကောင်းဖို့ရောက်မူ
သူတစ်ယောက်မှာ ပျက်လင့်ကာသာ
ဓမ္မတာတည်း။
ရွှေအိမ်နန်းနှင့် ကြငှာန်းလည်းခံ
မတ်ပေါင်းရလျက် ပျော်စံရိပ်ငြိမ်
စည်းစိမ်မကွာ မင်းချမ်းသာကား
သမုဒ္ဒရာ ရေမျက်နှာထက်
ခဏတက်သည့် ရေပွက်ပမာ
တစ်သက်လျာတည်း။
ကြင်နာသနား ငါ့အားမသတ်
ယခု လွှတ်လည်း မလွတ်ကြမ္မာ
လူတကာတို့ ခန္ဓာခိုင်ကြည်
အတည်မမြဲ ဖောက်လွဲတတ်သည်
မချွတ်စသာ သတ္တ၀ါတည်း။
ရှိခိုးကော်ရော် ပူဇော်အကျွန်
ပံခဲ့တုန်၏ ခိုက်ကြုံဝိပါတ်
သံသရာစက်၌ ကြိုက်လတ်တုံမူ
တုံ့မယူလို ကြည်ညိုစိတ်သန်
သခင်မာန်ကို ချန်ဘိစင်စစ်
အပြစ်မဲ့ရေး ခွင့်လျှင်ပေး၏
သွေးသည် အနိစ္စာ
ငါ့ခန္ဓာတည်း။ ။

အနန္တသူရိယ အမတ်ကြီး

သင်္ခါရ

မနေ့ကပဲ
မနက်ကလေးတင်ပဲ
ခုနကလေးတင်ပါပဲ
.....
ငါ အခါခါ ဆောက်ခဲ့
ဂုဏ်တွေ .. ငွေတွေ ..
အတ္တတွေ
ကြည့်လိုက်..
ခု ..
ဘာမှမရှိတော့ဘူး..။ ။
မောင်ဧည့်သည်